主頁>Wedding Sense>Editor's Pick

倒數三日!準王妃Meghan Markle 會戴邊款皇冠?

Posted on May 16, 2018

仲有三日,就係Meghan Markle 同哈里王子嘅婚禮,皇家大婚當然唔少得象徵權力和愛情嘅皇冠啦!當日,Meghan Markle會戴上皇室御用嘅皇冠,走進St Georges Chapel ,咁但係佢會戴邊款呢?小編就揾咗咁多年嚟英國皇室御用嘅皇冠(Tiara)俾大家估下喇。(Photo from Google)

1.The Halo Tiara

凱特王妃嘅婚禮上就係戴 The Halo Tiara,呢個皇冠係由英女王借俾凱特王妃嘅。點解係借呢?原來呢個皇冠係英女王媽媽,姐係 Queen Mother嘅結婚禮物,亦係英女王18歲嘅生日禮物。咁有紀念價值嘅嘢,當然要好好keep住啦!由Cartier設計嘅The Halo Tiara,低調奢華,上次kate大婚都係用呢個,唔知今次Meghan 會唔會都戴呢個呢?

2. The Lotus Flower Tiara

The Lotus Flower Tiara係由The Queen Mother 嘅丈夫送俾佢嘅一條鑽石吊墜項鍊所改造而成的,英女王係年輕嘅時候有戴過一次,之後佢妹妹Princess Margaret結婚嘅時候都係戴呢個皇冠。最近嘅一次,就係凱特王妃第一次岀席國家宴會嘅時候有岀現過。呢個被四位咁重要嘅皇室成員戴過嘅皇冠,會唔會係Meghan嘅選擇呢?

3. The Spencer Family Tiara

The Spencer Family Tiara係一頂屬於戴安娜王妃家族嘅皇冠,亦係戴安娜王妃戴得最多嘅一頂皇冠。基本上,佢家族嘅每位成員結婚時都會佩戴呢頂皇冠,唔知Meghan會唔會揀呢款皇冠嚟表達對戴安娜王妃嘅敬意呢?

4. The Cambridge Lover's Knot Tiara

講到最多人知嘅皇冠就一定係The Cambridge Lover’s Knot Tiara 喇!呢頂珍珠皇冠因爲外型似女人嘅眼淚而有「珍珠淚」嘅稱號,原本屬於瑪麗皇后(Queen Mary)嘅,之後就傳咗俾英女王,而英女王又送咗俾戴安娜王妃做結婚禮物。呢款皇冠嘅巧妙之處就係,佢頂部可以自由拆開。原本整個皇冠都係由珍珠做嘅,之後戴安娜就將佢改咗做鑽石,水滴形嘅珍珠亦都變咗做相襯嘅耳環。依家大家見到凱特王妃所戴嘅就係最後嘅版本,咁有辨識度嘅皇冠,會唔會係Meghan嘅選擇呢?

大家係咪完全冇見過呢個皇冠呢?冇錯,因為呢個皇冠只有俾Queen Mother戴過一次。由19世紀製成,係Queen Mother嘅父母送俾佢嘅結婚禮物,之後先傳咗俾英女王。Queen Mother淨係後生嗰陣戴過一次,之後都冇人戴過。雖然呢個皇冠可能比起其他,設計上比較簡單,但係佢設計上嘅典雅氣質放係依家都唔過時。而且都有一段時間冇被人戴過,所以好有可能會係今次嘅皇室大婚上見到佢嘅身影!

Copyright © 2018 Addmark Media Limited All Rights Reserved.