主頁>Wedding Sense>Editor's Pick

挑選新娘化妝五點你要知

Posted on June 7, 2018

一世人得一次嘅婚禮,新娘子就當然想靚絕全場啦!但係新娘化妝有咁多間,又間間都話自己個妝有幾清透自然又持久。呢個時候要點揀好呢?所以,小編就列咗五點岀嚟提下大家喇!

1.一定要試妝先好落訂!

要知道結婚流流長成日,個妝如果唔持久都幾大影響,而且新娘子亦要轉妝。如果化妝師手勢慢啲都唔得!所以一定要試咗妝先,睇下睫毛會唔會太重,唔舒服、底妝持唔持久,建議準新娘可以試一日,睇下持久度如何。千奇唔可以怕麻煩,試真啲先好選擇。

2.妝容要有存在感

冷靜啲先,有存在感嘅妝容唔代表厚妝。皆因結婚要影好多相,而鏡頭往往會食妝,所以妝容一定要有存在感先可以上鏡靚。而如何平衡好存在感同自然,就好睇化妝師嘅功力喇!

3.清透自然舒適

雖然要有存在感姐,但並唔代表厚粉㗎!一個清透自然嘅妝容係十分重要!因為厚粉除咗會令到你好似戴咗塊臉具咁之外,仲會令你全日都唔舒服,所以一定要做足功課,看下該名化妝師嘅評語啊!

4.要符合你的氣質

正所謂,一百個女人有一百種氣質。如果你係行開型格熟女風嘅,而位化妝師就幫你化咗一個可愛嘅妝容,咁就算個妝係得幾靚都冇用啦!因為都唔適合你,所以選擇一位識如果化岀屬於你嘅氣質嘅化妝師就好重要喇!記得盲目跟隨潮流係冇用㗎,適合自己嘅先係最好。

5.提供婚前皮膚護理建議

雖然話女人係貪靚,但我哋始終唔係專業。呢個時候如果化妝師可以提供一啲婚前皮膚護理嘅建意,咁就最好喇。如果唔係就算化妝師嘅技巧幾好,皮膚一差始終個妝感會冇咁靚。有啲化妝師亦有提供皮膚管理的產品套餐,準新娘不妨可以問多句啊!

Copyright © 2018 Addmark Media Limited All Rights Reserved.